Debido á mutua colaboración entre as dúas entidades, o Centro Gallego de Madrid, informa os seus socios e seguidores da convocatoria do Curso de lingua e cultura galegas I e Curso de lingua e cultura galegas II 2024/25.

A Consellería de Cultura, Lingua e Xuventude e a Secretaría Xeral de Presidencia da Xunta de Galicia acordaron a realización de actividades de formación en lingua e cultura galegas na Casa de Galicia en Madrid.

As persoas que desexen participar no curso deberán imprimir e cubrir a solicitude publicada na páxina web da Casa de Galicia en Madrid (https://casadegalicia.xunta.gal) e presentala no Rexistro da Casa de Galicia (C/ Casado do Alisal, n.º8.- Madrid)

O prazo de presentación das solicitudes será ata o 27 de setembro de 2024.