Nos complace compartir este comunicado que desde la Secretaría General de Emigración nos hacen llegar con motivo de la apertura de la «Porta Santa, Xacobeo 2021»:

O secretario xeral da Emigración, Antonio Rodríguez Miranda, infórmalles de que o departamento autonómico emitirá por streaming a apertura da Porta Santa coa que se da inicio ao Xacobeo 2021 o próximo 31 de decembro.

Deste xeito, facemos un chamamento a tódolos galegos do exterior para participar neste relevante acontecemento que suporá o comezo dun ano histórico para Galicia, e neste senso, solicitamos a súa colaboración para informar a todos os membros do seu colectivo da retransmisión deste acto histórico.

Os interesados poderán seguir a retransmisión en directo do acto o próximo 31 de decembro dende ás 17 ata as 20 horas (en España) a través dos enlaces que aparecerán na páxina web: https://emigracion.xunta.gal/es, así como nas diferentes redes sociais deste departamento.

Queremos recordarlle que dende a Secretaría Xeral da Emigración lévase xa tempo traballando para que a colectividade galega no exterior poida disfrutar do próximo Ano Santo 2021, e, especialmente, para a celebración do Día da Galicia Exterior, unha das iniciativas que maior relevancia ten entre as comunidades galegas do exterior, que serven de faro de divulgación do futuro ano Xacobeo.